/50/ furore correptos ob vim Martis. Sicut in Leone exorcistas
ob Solis potentiam, quae naturae Lunae adversatur.
Ideo Luna Daemonis, Sol exorcistae vim habet».
Exorcistae non erant Sibyllae, nec Soli subiectae
igitur. Quare, cum tam varia tamque pugnantia
adducat Cardanus, irridendus potius
quam refellendus, et Sibyllina responsa maiori
et digniori principio adscribat necesse est.
EXERCITATIO VIII
Comprobat Dei providentiam ex vetustae et novae Legis miraculis.
Argumentum e miraculis desumptum,
Dei providentiam tam dilucide probat
ut inductione longa facile possimus
supersedere. Sed quid ad hoc Athei respondeant,
investigandum nobis est. Cum nulli
hactenus id aggressi sint operis, placuit nam
nobis nova seligere omnia, ut Cordatus Lector
aeque poterit aestimare.
Nicolaus Machiavellus facili negotio
hanc absolvit quaestionem. Existimat miracula
excogitari et confingi a Principibus ad
subditorum informationem et a sacerdotibus
ad lucri honorisve aucupium.
At putridum hoc mendacium est, ut ex tui
ipsius ore patefaciam, serve nequam. In libello
De principe asseris Christianam religionem
politico regimini adversari: nam exanimat